賣飛佛‧My Favorite

中共病毒CCP Virus 殘酷滅絕華夏族群文化,西藏、新疆、內蒙古經已遇害,香港宜家鬼咁牙煙;香港蘭HONG KONG ORCHIDS命懸一線,祈望天下圍共,五湖四海,火速救援!

港人港語‧HKers Speaks Hongkonglish

自己友最緊要係同聲同氣,和理埋堆;Be Water,兄弟爬山,各自野餐。舊年6月12日先至喺獅子山下,維港兩邊出世嘅香港人,講嘅梗係香港話啦。

香港話老祖宗係先秦時代漢語,年紀大又讀過下華夏經典嘅本地人,睇怕都會聽過、讀過、甚至背過《詩經》「關關睢鳩,在河之洲,窈窕淑女,君子好逑」呢幾個詩句。宜家香港有啲巿井之徒,話嗰啲儍更更嘅人ON9,就係將嗰隻叫鳩嘅雀仔變咗做賓周。ON9另外有個講法,仍係笨柒。7咁就變成男性生殖器官喇!

秦始皇派兵南平百越,百越有個地域叫南粵。南粵裡邊有個近代叫做廣東嘅省,省內有個順德縣,縣內有個好多順德公,佢地煮得一手舉世無雙嘅家鄉小菜。民國以來,廣東省廣州巿有美食天堂嘅美譽,其實個巿嘅大厨房係順德。

之不過,自從英國生咗香港落嚟之後。刻苦勤勞、聰明機敏、發憤圖強、靈動如水嘅香港人,憑藉「丟哪媽,頂硬上」嘅進取精神,經奮鬥百年之後,就將美食天堂呢頂桂冠,戴咗喺頭上嘞。點解呢?請您話我知,喺香港地,祇要您有錢,有咩嘢會食唔到呢?

但係,喺今時今日嘅香港地。嗰啲有銀係Daddy,有奶係Mummy,有權係佢阿爺嘅行屍走肉。就算佢阿爺畀米田共餵佢,都好似餓狗搶屎咁,甘之如飴,仲爭住乞求餵佢食多啲!

講咗咁耐,先至用咗華英兩文同粵英兩語,加埋壹啲數目字與共標點符號。實情賣飛佛Language, Hongkonglish,係用晒全世界冚扮爛語言文字同標點符號嘅!

中共病毒CCP Virus 殘酷滅絕華夏族群文化,西藏、新疆、內蒙古經已遇害,香港宜家鬼咁牙煙;香港蘭HONG KONG ORCHIDS命懸一線,祈望天下圍共,五湖四海,火速救援!

 

 

作者: Boss & Helen Lin

隨緣順心 ‧ 快活優遊 立己達人 ‧ 退而不休