背水一戰

喺獅子山下,維多利亞港兩邊嘅香港,就係咁陷入危急存亡之秋;

退一歩,就會步西藏、新疆後塵,淪落成人間地獄。

21世紀20年代1月15日,喺光復香港,時代革命,和理逆威權抗爭運動,昂然進入第8個月之際,中共喺美國首都華盛頓簽落城下之盟–美中第一階段貿易協議。然而,共黨中央竟然串同特區政府,繼續喺香港「製暴止亂」,枉法無天,殘酷鎮壓「反修例、抗威權、申訴求」全民運動!

佢兩爺孫點解會咁猖狂,?肯定係將過去兩個幾月嘅失算、失手、失敗同埋冇面嘅恥辱,遷怒喺靈動如水,創意無窮嘅香港新族群身上。18區區議會選舉全軍盡墨,失去地區事務全面控制權;2020年台灣總統及立法會議選舉,本土公民壓倒性向共產黨說不;副總理同美國總總簽城下之盟,一連串失算、失手共失敗嘅消息,傳入中國大陸,會動搖中央威權管治,後禍無窮!

喺獅子山下,維多利亞港兩邊嘅香港,就係咁陷入危急存亡之秋;退一歩,就會步西藏、新疆後塵,淪落成人間地獄。之不過,香港地又唔好對外國幫拖存有太大期望。「商人無祖國」,唯利是圖,老竇同仔都要賺一賺。呢鋪賺到盤满砵满,兼且利益會陸續有來嘅United States of America,真係多得香港唔少囖!

台灣民主進步黨喺國民黨蔣經國總統1986年宣布解嚴前成立,艱險奮進33年先至走上康莊大道,與共為人類文明進步立下里程碑。香港新族群經歷和平佔中、雨傘運動、公民抗命、逆權抗爭,爭雙普選不過7年。和理光復香港、時代革命,仲要毋忘初心衷、堅定奮鬥、努力加油,繼續匯流… …

但願擁戴普世價值世界公民,齊齊加入國際戰線「天下圍攻」大聯盟,實現弍零弍零‧天下太平嘅想望!

作者: Boss & Helen Lin

隨緣順心 ‧ 快活優遊 立己達人 ‧ 退而不休

在〈背水一戰〉中有 1 則留言

留言功能已關閉。