《香港雜記》〈序文〉

香港雜記,係第一本用唐字寫嘅香港專書,由陳鏸勳所注。

香港雜記,係第一本用唐字寫嘅香港專書,由陳鏸勳所注。呢本書出版時,係大清光緒二十年,卽係甲午年,一八九四年,香港中華印務總局印仿聚珍板。內容係講及香港當時概況,以及開港歷史。成本書分十二章,分別係地理形勢、開港來歴、國家政治、稅餉度支、中西船務、中西商務、中西醫所、民藉練兵、街道樓房、水道暗渠、華英書塾同埋港則瑣言。作者引用英國人嘅沙拔日記,亦有自已實地考察,同引用香港政府嘅統計。

寫書嘅時候,香港只係包括香港島、九龍半島同埋昂船洲。而新界,包括新九龍部份,仲係由廣東省廣州府之下嘅新安縣九龍司所管轄。

出版嘅時候,安撫華民政務司搵過陳鏸勳傾過,要執過幾個字眼,如唔可以用江寧條約所禁嘅夷字,英皇后要更正做英皇帝,同埋中廷抬頭,英廷都要抬頭。呢本書並未改字,但另印更正明示。可見呢本書係香港嘅出版。

《香港雜記》該仿聚珍板,依家存於香港大學。書中稱附十五圖,之不過,香港大學嗰本從缺。圖書館亦有流傳影印本中國廣東暨南大學出版社,出版有《嶺南叢書》,當中都有《香港雜記》。出版時係一九九六年,用簡化字重排,叫《香港雜記.外二種》。排版嘅時候,文章亦由直書改成橫書。文章由莫世祥校注,有改字,亦有斷句,兼加標點。書中亦附有九龍寨城文案同節錄時人有關香港嘅遊記。

作者: Boss & Helen Lin

隨緣順心 ‧ 快活優遊 立己達人 ‧ 退而不休